Lýðræðið í gíslingu minnihlutans

Þetta leikrit sem hefur verið síðasta árið á alþingi er ekki fólki bjóðandi.  Leikritið heitir "Stjórn og Stjórnarandstaða".  Það virðist ekki skipta svo miklu hver á í hlut en þetta er hálf barnalegt þar sem á sér stað þarna.  Á "vælendaskrá" voru 26 í nótt þegar þingfundi var slitið.  Þarna er minnihlutinn að taka lýðræðið í "gíslingu" og leyfir ekki málinu að þróast áfram með eðlilegum hætti.

Almennilegt lýðræði er þannig að meirihlutinn kúgar minnihlutann en þessu er öfugt farið hérna hjá okkur.

 

Umræðan gæti staðið endalaust

Hvað með heimilin? 60%?

Það er mjög ógeðfellt að hlusta á fréttir um það að viðskiptalífið sé að afskrifa 60% af skuldum sínum þegar heimilin í landinu fá engar afskriftir.

Það er hins vegar haldið að heimilunum að borga himinháa verðtryggða vexti af sínum lánum óbreyttum.

Hvað er að fólki? Samfylkingunni og Jóhönnu?  Vinstri Grænum og Steingrími? Er þetta fólk ekki að vinna fyrir okkur?

Einhvernveginn finnst manni að það sé verið að jarða landið.  Það er engin jafnræðisregla með niðurfellingu skulda.

Jón og séra Jón.

Sumir eru jafnari en aðrir.

3 milljarðar sagðir afskrifaðir

Slæm hugmynd

Að lengja lán í 80 ár er mjög mjög mjög slæm hugmynd.  Afar slæm.  Og einstaklega vitlaus.  Þar með eykst vextir og verðbætur og þegar upp er staðið verður fólk búið að borga margfalt meira. 

Ég fór á námskeið hjá Ingólfi spara.is meistara og þar kenndi hann að það ætti frekar að reyna að stytta lán og borga inn á höfuðstólinn.  Með því móti þá borgar maður mikið minna þegar upp er staðið.

Það væri mikið betra í stöðunni í dag ef það væri hægt að afnema verbæturnar STRAX.  

Annað sem er mjög áríðandi að gera ef það er ekki hægt að afnema verðbæturnar er að lækka stýrivextina niður fyrir 10%

Vilja að lánstími verði tvöfaldaður

Eitt metrakerfi - ein mynt

Mér finnst þetta fjárhættuspil með mynt ekki sniðugt.  Það er að vísu löglegt fjárhættuspil að díla með mynt.  Margt fólk hefur atvinnu af þessu og það er ekkert hámark til að spila með.

Ég er þeirrar skoðunar að allir ættu að taka upp metrakerfið, og allir eigi að nota sömu mynt.

Þetta sem hefur skeð síðasta árið ætti að fá fólk til að hugsa dæmið með gjaldeyrir upp á nýtt. 

Landsframleiðsla landana sem hafa lennt í hremmingum hefur verið svipuð sem ætti að benda til að fólk hefði það svipað en alltí einu hafa kjörin rýrnað helling og fólk atvinnulaust. Það er vegna þeirra sem sýsla með lán og gjaldeyrir hafa sýnt af sér stórkostlegt gáleysi. Þeir sem stjórnuðu bönkunum borguðu sér ofurlaun fyrir vel unnin störf en hvar erum við stödd núna?

 

„Sviss gæti orðið næsta Ísland"

Back

Jæja ég er kominn aftur úr Afríku sjótúrnum.  Fór út með rússa og var með því skipi í 3 vikur og fékk svo far með olíubirgðaskipi til baka.  Það tók um viku. 

Áður en ég fór um borð í olíubirgðaskipið þá var ég að verða sígarettulaus, enda reiknaði ég ekki með að vera svona lengi.  Svo þegar olíubirgðaskipið lagðist upp að okkur og byrjaði að dæla olíu yfir til okkar þá stóð fjögurra metra stórum rauðum stöfum framan á því "NO SMOKING"   Ekki lagðist þetta vel í mig.

Ég sendi skeyti í vinnuna og bað þá að senda mér karton.  Það var svarað: "Ekkert mál en einkaþyrlan er upptekin svo við fáum bara herþotu leigða og sendum nokkur karton niður strompinn hjá þér"

Ég var búinn að setja mig í stellingar að vera reyklaus á olíubirgðaskipinu.

Svo þegar ég var kominn þar um borð fékk ég gefins karton frá skipstjóranum og það var reykt þar í brúnni og matsalnum.

 Fæðið var alveg súper þar miðað við fiskiskipið sem ég var á.  Þar var mest makríll í matinn alla daga.  Maturinn var það slæmur miðað við rússneskan sjómannasið að yfirkokkurinn var laminn um áramótin.  Þetta var svona fljótandi borg með 100 manna áhöfn og þar með talið sirka 10 manna "inspectors" frá Máritaníu.

Ég endaði á kanarí og var þar í tvo daga.  Svo flaug ég heim: Kanarí - Madríd - Amsterdam - Keflavík sem var um 15 tíma törn.

Hilsen fra Dakhla

Ég sit hérna í lobby á hóteli í Dakhla og er að drepa tímann þanngað til á morgun, þá fer ég væntanlega á sjó (þorláksmessa).  Ég gisti í Casablanca í gær og þetta er svolítið öðruvísi en maður hefur kynnst áður.  Casablanca er borg með 6 milljón íbúum. Umferðarmenningin er þannig að td strikin í götunni eru bara til skrauts.  Það er flautað og swingað til og frá og í myrkrinu eru háu ljósin mikið notuð.  Maður var náttúrulega plataður í fyrsta leigubílnum, borgaði 40 EUR þar sem átti að borga 25 EUR.  En það var fyrir hálftíma akstur frá flugvellinum niður í hótelið í miðbænum.

Franska og arabíska eru notuð hérna til skiptis, erfitt að finna einhvern sem skilur eitthvað í ensku.

Það var voða sérstakur ilmur sem mætti manni þegar maður lennti í Casablanca.  Svona sambland af kryddi og einhverju öðru sem ég á erfitt með að festa fingur á.  Það er reykt allstaðar, fólk drepur í sígóinu útum alla flugstöð sem dæmi.

Þegar ég tékkaði mig inn á hótel hérna í Dakhla þa spurði ég hvort það mætti reykja á herberginu.  "jájá minnsta málið, en ekki hass" svo sprungu allir úr hlátri.

Það er uþb þriggja klukkutíma flug hingað frá Casablanca og seinni tvo tímana sá maður bara sand, en meiri gróður norðar nær Casablanca.   Þetta tilheyrir víst Vestur-Sahara sem er í umsjón Marocco.  Hérna búa uþb 60þús manns skilst mér.  Ég spurði í lobbyinu hvort þeir ættu kort að Dakhla en svarið var nei, "það er hins vegar kort hjá Moskunni" ...

Ég reikna með að fara á sjóinn á morgun og svo veit maður ekki hvað verður nema að ég á flugmiða aftur tilbaka 5-6 janúar.

Gleðileg jól  :)

Bjóðum honum hæli

Mugabe minnir á margt um ýmsa þingmenn og ráðherra hérna á íslandi. 

Að segja af sér ef viðkomandi hefur gert eitthvað af sér eða staðið vaktina þegar allt fór í hass er ekki eitthvað sem er rætt.  "Eigum við að ræða þetta eitthvað?"

Hann myndi sóma sér vel með öðrum ráðherrum hérna!

 

Mugabe: „Ég á Simbabve“

Hver réð KPMG?

Hver réð KPMG?

Mér finnst það stærsta spurningin! Ef KPMG er búið að vera að vinna í 2 mánuði, hver réð þá?

Það virðist engin á blogginu kveikja á því.

Ég fór í gegnum Allar athugasemdir og blogg sem hafa verið skrifuð um þetta og allar voru fyndnar og eitthvað en enginn hafði spáð í Hverjir réðu KPMG?

Reyndar voru Ólína og Hallur með mjög góðar athugasemdir.

 Ef einhver réð KPMG fyrir 2 mánuðum og bankamálaráðherra var bara að frétta þetta í gær, þá er spurningin: Í hverju er starf bankamálaráðherra falið?   Er Björgvin í raun bankamálaráðherra?  Hver er bankamálaráðherra?

Ég bara spyr?

Björgvin vissi ekki um KPMG fyrr en í gær

Skjálftavaktin

Skjálftinn fannst greinilega hérna í Hveragerði og varði í nokkrar sekúndur.  Mér sýnist þetta vera uþb 11-12 km héðan þar sem skjálftinn átti upptök sin.  Maður var kominn útí dyr og beið eftir að hann stoppaði. Manni sýnist þetta koma í framhaldi af hrinu sem var í gærkveldi á reykjaneshrygg

Skyldi hristast næst við Heklu eða Vatnajökul?

Kort Veðurstofunnar

Jarðskjálfti að stærð 3,6

Fleyta kerlingar II

Við ættum að leyfa krónunni að fleyta kerlingar útí hafsauga.  Við þurfum einhvern stöðugan gjaldmiðil til að viðhalda stöðugleika, ekki svona rússíbanareið eins og hefur verið í gangi. Það er mjög slæmt umhverfi fyrir bæði fyrirtækin í landinu og eins fyrir fjölskyldurnar eins og allir vita.

Þeir sem eru að skipta með gjaldmiðla eru í einhverju rosalegasta fjárhættuspili sem um getur.  Póker hvað?  Það eru vogunarsjóðir og skortsalar og fleiri sem sérhæfa sig í þessu fjárhættuspili.  Þarna eru ekki "raunveruleg" verðmæti sem eru að skipta um hendur heldur ímyndað virði. Hugsum okkur kippu af appelsíni.  Einhver segir: "Ég held að virði þessarar kippu sé ein kippa plús einn dós eftir mánuð". Svo kemur næsti og ímyndar sér virði þessarar kippu á einhvern annan hátt og svo koll af kolli.  En eftir stendur að þetta er bara ein kippa af appelsíni.

Helst vildi ég að allir myndu taka upp metrakerfið og sömu mynt en það er sjálfsagt langt í það og önnur saga.

Mér finnst skásti kosturinn í stöðunni að taka upp dollar.  Uþb 65% af gjaldeyrisvaraforða heimsins er Dollar en 20-25% er Evran..  Evran er of langsótt og annmarkarnir of margir; td efnahagsstöðuleiki og þannig bögg.  Fyrir utan að við þyrftum að hætta hvalveiðum og stjórn fiskveiða færi til Brussel.  Við myndum trúlega sjá fleiri þjóðfána á skipum sem veiða við landsteinana..Svo er líka spurning hvað skeður ef það finnst olía á Drekasvæðinu.