Ísland geri það sama

Mér finnst alveg kjörið að ísland ætti að gera það sama.  Fólk er yfirleitt ekki að fara langar vegalengdir þannig að þetta gæti hagstætt að vera með rafmagnsbíla.  Snattast útum allar trissur á daginn og stinga bílnum svo í samband á nóttinni.

Það eru fyrirsjáanlegar framfarir í ragmagnsbílum.   Teslamotors er að koma með sportbíl sem er með hleðslu sem dugar í uþb 400 km.  Þeirra bíll er 3.9 sekúndur að ná 100km hraða.

Mér dettur í hug að einhverjir aðilar (td Orkuveitan...) setji sig í samband við bílaframleiðendur og Better Place um samstarfverkefni um þetta.

Og það er enn eftir að nýta fleiri virkjanakosti.  Rafmagnið er okkar olía. 

Ég er þrátt fyrir það alfarið á móti Bitruvirkjun.  Hellisheiðarvirkjun er uþb 20 km frá Rauðavatni,  og það eru margir í Reykjavík og Kópavogi sem kvarta undan lykt og mengun.  Bitruvirkjun er aðeins 4.5 km frá Hveragerði.

 

Hawaii rafbílavæðist

Fleyta kerlingar

Mér finnst að það ætti að láta krónuna fleyta kerlingar útí hafsauga.  Svo ættum við að taka upp dollar.

Takmörkuð fleyting krónunnar hefst í dag

Til eftirbreytni !

Mér finnst þetta frábært framtak hjá Rannveigu.  Á þessum hörðu tímum þegar fólk er að tapa sparifé, myntkörfulán tvöfaldast, verðtrygging blæs upp íbúðalán, matvöruverð jafnvel tvöfaldast, og fyrirtæki eru að LÆKKA laun starfsmanna þá er þetta mjög jákvæð frétt.

Þar sem Rannveig var einu sinni vélstjóri á skipi sem pabbi var fyrsti stýrimaður þá hefur maður smá nasasjón af hversu dugmikil hún er. Hún hugsar vel um sína.

Mér finnst að allir aðrir atvinnurekendur ættu að taka þetta til fyrirmyndar og alvarlegrar athugunar !

Mér finnst líka að þeir sem sjá eitthvað athugavert við þetta ættu að leita sér sérfræðiaðstoðar fljótlega.

Kreppubónus hjá Alcan

Bill Gates skorar eitt stig!

Þetta er í fyrsta skipti laaangan tíma sem manni langar að kaupa eitthvað frá Microsoft.  Annars er ég Linux gaur, td er þessi færsla skrifuð í Línux.

Þetta líka vekur upp hugsanir að við ættum ekki að ganga í ESB, við ættum td frekar að ganga í NAFTA og taka upp Dollarann í leiðinni.   Bandaríkin vilja að sem flestir taki upp dollarann og jafnvel hvetja til þess!  Öfugt en það sem á við ESB og evru þar sem eru ströng skilyrði um efnahagsstöðuleika (bögg)

Microsoft tekur stöðu með krónunni

Göngum frekar í ASB

Við ættum mikið frekar að ganga í ASB (Asíusambandið) frekar en ESB.  Já og í framhaldi af því taka upp yenið.  Þá getum við haldið áfram að veiða hvali ótakmarkað og eigum trygga markaði fyrir kjötið (ef það verður einhver afgangur.)

Evrópusambandið vill hvort er ekki leyfa okkur að nota evruna nema að uppfylltum ströngum skilyrðum eins og ábyrgri fjármálastjórn og þess háttar böggi.

Ef það er ekki vilji til að ganga í ASB eða okkur ekki hleypt þanngað þá er alltaf hægt að sækja um aðild að KGB.  Og leyfa rússum að nota flugvöllinn hérna annað slagið.  Það væri ekki nema sanngjarnt.

Gætum þurft að hætta hvalveiðum

Vitlaust með farið

Mér sýnist vera stafsetningarvilla þarna, Davíð segir:

"Segir hann að fyrirhyggjuleysi sáðmanna hafi þar ráðið miklu."

Þetta á örugglega að vera svona:

"Segir hann að fyrirhyggjuleysi Ráðamanna hafi þar ráðið miklu."

Uppskeran eins og sáð var

Hjálpa fólkinu ?

„Þetta verður lýðræðissinnaður flokkur fyrir fólkið í landinu. við ætlum að hlusta á fólkið í landinu og hjálpa fólkinu í landinu,“ segir Einar Árnason, talsmaður undirbúningsnefndar

Jahérna, ég er viss um að hinir flokkarnir hafa þetta ekki á sinni dagskrá!  Hlusta á fólkið í landinu? Þetta er alveg nýtt.  Og sérstaklega púnkturinn með að hjálpa fólkinu í landinu.  Þetta er alveg brill.

Þetta fólk á skilið medalíu.

Hvernig væri að fá bara einhvern prófessional viðskiptagaur bara til að stjórna hérna?  Þetta eru ekki nema 300 þús sálir sem eru á klakanum.  Er það ekki eitthvað svipað og Jón Ásgeir er með í vinnu?

Framfaraflokkurinn stofnaður á næstu dögum

Politísk ábyrgð, ekki íslenskt?

Þó að seðlabankinn undir stjórn Davíðs sé búin að fara með allt til helvítis í landinu með því að halda í gömul hollráð ömmu Davíðs, eigum við þá ekki bara að fyrirgefa og gleyma?

Amma Davíðs var indæl kona.  Hún notaði smjörklípuaðferðina oft enda eflir það innlend viðskipti með smjér.  Alveg bráðsnjöll kona.  Og þetta með óráðsíumenn, tja, það er viss sannleikur í því, á átjándu öld.

Þetta er eitthvað sjarmerandi við það að þrátt fyrir alla skandalana, að Davíð Situr sem Fastast.  Ekta íslenskt.

Það er eitthvað mjög óíslenskt við það að taka á sig ábyrgð.

Stjórnendur Seðlabankans víki

Jón Ásgeir ætti að kaupa BÍ !

Mér finnst að sá framtakssami og góði maður Jón Ásgeir ætti að kaupa BÍ.  Og kannski kaupa Viðskiptablaðið í leiðinni.

Það virðist sem enginn annar geti rekið fjölmiðil í þessu árferði.

Um 70 félagar BÍ hafa fengið uppsagnarbréf

Skrifar enginn gegn þessu á BBC?

Er enginn sem mótmælir þessu á BBC og leiðréttir söguna?

Núna virðast skotar ætla að sparka í  "liggjandi" þjóð með svona rausi.

Mér finnst að einhver ætti að skrifa um þetta og útskýra málin sem hefur vit á þessu.   Eins og einhverjir fagaðilar til dæmis, utanríkisráðuneytið, sendiráðið (dýra) í London, útgerðarmenn, og önnur samtök, ASÍ, BSÍ eða hvað þetta allt heitir.

Saka Íslendinga um ofveiði